အဓိကနဲ့သာမည...

   
 ဒီစကားနှစ်လုံးက လူ့ဘ၀အဓိပ္ပါယ်ရှာဖွေရေးလမ်းစဉ်မှာ အရေးပါလှပါတယ်။ အဘိဓါန်မှာတော့ အဓိကဆိုတာ လိုရင်းလို့ အဓိပ္ပါယ်ရတယ်။ လွန်ကဲခြင်း၊ ကြီးကဲခြင်း လို့ ဆိုတယ်။ ပါဠိလိုက အဓိဧတိတီတိ အဓိကော တဲ့။ လွန်စွာရောက်တတ်သောကြောင့် အဓိကမည်ပါတယ်။ ဒါနဲ့ဆန့်ကျင်ဘက်ကတော့ သာမည ဖြစ်ပါတယ်။ သာမည ဆိုတာ မထူးခြားတာ၊ အများနည်းတူဖြစ်တာ၊ တော်ရုံတန်ရုံဖြစ်တာ လို့ ဆိုပါတယ်။ ဒါကြောင့် သာမညဟာ အများကြီးဖြစ်ပြီး အဲ့ဒီအထဲမှာ အဓိကဟာတစ်ခုသာရှိမယ်လို့ ဆိုနိုင်သလို အဓိကဆိုတာ အားလုံးထဲမှာ ဦးစားပေးရမယ့်အရာ၊ အလေးအနက်ထားရမယ့်အရာ ဖြစ်တယ်လို့လည်း ပြောနိုင်ပါတယ်။ ဒီကနေ့လူတွေရဲ့ပြဿနာဟာ အဓိကကိုသာမညထားပြီး သာမညကိုအဓိကထားမိခြင်းပဲ ဖြစ်ပါတယ်။ ဒါဖြင့် အဓိကနဲ့သာမည ဘယ်လိုခွဲပြီးသိနိုင်မလဲဆိုတဲ့ မေးခွန်းကိုဖြေကြပါစို့။ အဓိကဖြစ်ခြင်းအတွက် သတ်မှတ်ချက်တွေ ရှိတယ်။(1) အစစ်အမှန်သဘောရှိခြင်း၊ (2) အချိန်ကန့်သတ်ချက်ရှိခြင်း၊ (3) ရေရှည်အကျိုးသက်ရောက်မှုရှိခြင်း၊ ဒါတွေက အဓိကဖြစ်ခြင်းရဲ့ လက္ခဏာတွေပါ။

          အစစ်အမှန်သဘောဆိုရာမှာ အနှစ်သာရကိုဆိုလိုပါတယ်။ လောကထဲမှာ ပုံသဏ္ဍန်တွေအမျိုးမျိုးရှိကြပါတယ်။ ဒါတွေရဲ့ အကောင်းနဲ့အဆိုး၊ အမှန်နဲ့အမှား၊ တွေကိုလည်းနှိုင်းယှဉ်ပြီးတော့သာ ပြောနိုင်ပါတယ်။ ဥပမာ ရုပ်ချောတယ်၊ ဆိုးတယ် ဆိုတာမျိုး။ ဘာကိုချောတယ်ပြောမလဲ။ မြန်မာမျက်စိထဲမှာ နီဂရိုးတွေကအရုပ်ဆိုးနေပေမယ့်  အနောက်တိုင်းမျက် စိထဲမှာ ချောနေနိုင်ပါတယ်။ ပြီးတော့ ငွေကြေးချမ်းသာတယ်ဆိုတာမျိုး။ ဘယ်လောက်ရှိမှချမ်းသာတယ်ပြောမလဲ။ သူတောင်းစားချင်းတူရင်တောင် ခွက်တစ်လုံးပဲရှိသူထက် ခွက်နှစ်လုံးပိုင်သူက ချမ်းသာတယ်လို့ ပြောနိုင်တာပဲမဟုတ်လား။ ဒါတွေက ပညတ်သဘောတွေသာဖြစ်ပါတယ်။ အစစ်အမှန်တွေမဟုတ်ကြပါဘူး။ ဒီကနေ့ လူတွေအသဲအသန်လိုက်စားနေ ကြတာတွေဟာ သာမညတွေဖြစ်နေတယ်ဆိုတာကို သင်လက်ခံပါရဲ့လား။ ဒီကနေ့ လူရဲ့အစစ်အမှန်အနှစ်သာရကိုကြည့်ရင် ဒုက္ခနဲ့ကိလေသာပဲ။ ဒုက္ခဆိုတာ အို၊နာ။သေ အပါအ၀င် မချစ်တာနဲ့တွဲ၊ ချစ်တာနဲ့ကွဲ၊ ရတာမလို၊ လိုတာမရ၊ အကုန်ပေါ့လေ။ ကိလေသာဆိုတာကတော့ ကာယ၊၀စီ၊မနောကံသုံးပါး (ဒုစရိုက်ဆယ်ပါး) ကိုကျုးလွန်စေတဲ့ လောဘ၊ဒေါသ၊မောဟ၊မာန စတဲ့ စိတ်ကိုညစ်နွမ်းစေတဲ့တရားတွေပေါ့။ ကိလေသာဆယ်ပါးရှိရာမှာ တစ်ပါးကို 150(တစ်ရာ့ငါးဆယ်)စီ ထပ်ပြီးပွါးသွား တာကြောင့် စုစုပေါင်းကိလေသာ 1500(တစ်ထောင့်ငါးရာ)ပေါ့။ ဒါကို ကိလေသာ 1500 အချစ်လို့ တင်စားကြတာပေါ့။ ဒီအချစ်နဲ့မကင်းသူတိုင်း အပါယ်နဲ့မကင်းပါဘူး။ ဒါကြောင့် ဒုက္ခနဲ့ကိလေသာက အဓိကဖြစ်တယ်လို့ ဆိုရမှာပါ။

          ပြီးတော့ အချိန်အကန့်အသတ်ဆိုရာမှာ ခုချက်ချင်းပဲ စလုပ်သင့်တဲ့ သဘောကိုပြောချင်တာပါ။ လောကထဲမှာ အချိန်ဇယားဆွဲပြီး လုပ်ရတာမျိုးတွေလည်းရှိပါတယ်။ ဒါပေမယ့် အချို့ဟာတွေက အခုကိုလုပ်မှ ဖြစ်တယ်။နောက်ကျသွား တာနဲ့ ဒုက္ခရောက်တော့တာမျိုးလေ။ ဥပမာပြောရရင် ထမင်းအသက်(7)ရက်တဲ့၊ ရေအသက်(1)မနက်တဲ့။ ဒါဆို လေအသက် ကျတော့ရော။ အသက်အောင့်ကြည့်ပေါ့။ မိနစ်ဘယ်လောက်ခံမှာတဲ့လဲ။ ဒီတော့ ထမင်းထက်ရေကအရေးကြီးတယ်။ ရေထက် လေကအဓိက ကျပြန်တယ်ပေါ့။ ဒီကနေ့ လေရှုရတဲ့ကိစ္စမျိုးဆန်ဆန် အချိန်မဆိုင်းဘဲ အခုလုပ်ရမယ့်ကိစ္စ ဘာများ ရှိမလဲ။နောက်မှလုပ်မယ်ဆိုပြီးဆိုင်းထားလို့မရတဲ့ ကိစ္စ ဘာများရှိမလဲ။ တစ်နည်းအားဖြင့် လူကသေမျိုး၊ အချိန်မရွေးအနိစ္စ ရောက်နိုင်လေတော့ သေပြီးမှလုပ်မရတဲ့ကိစ္စ ဘာများဖြစ်မလဲ။ ဒါဆိုရင် သေပြီးတော့ရောက်မယ့် ဖြစ်မယ့် ဘ၀အတွက် ကြိုတင်အဖြေရရေးပေါ့။ ဟုတ်တယ်မဟုတ်လား။ ဒါအတွက်ပြင်ဆင်ရေးပေါ့။ ဒါကို လောကုတ္တရာအရေးလို့ ဆိုတယ်မဟုတ် လား။ ဒါကြောင့် လောကီထက် လောကုတ္တရာအရေးကို အဓိကထားရမှာပါ။

          ဒါ့အပြင် ရေရှည်အကျိုးသက်ရောက်မှုဆိုရာမှာ ဒီဘ၀တွင်မပြီးဘဲ နောက်ဘ၀ကိုဆက်ပြီး အကျိုးသက်ရောက်မယ့် ကိစ္စကိုပြောချင်တာပါ။ ဒီဘ၀လုပ်နေတဲ့ ကိစ္စများစွာက ဒီမှာပဲကျန်ခဲ့မှာဖြစ်ပြီး အချို့အရာတွေက ဟိုဘက်ကိုလိုက်ကြမှာပါ။ ဘာတွေကကျန်ခဲ့မလဲ။ ဘာတွေကလိုက်ကြမလဲ။ ဒီကနေ့ ဘတ်စ်ကားစီးတဲ့အခါ ဂိတ်စဂိတ်ဆုံးစီးသူရှိပါတယ်။ လမ်းက တက်ပြီး လမ်းမှာပဲဆင်းတာရှိတယ်။ ဒါပေမယ့် ဂိတ်ဆုံးရောက်ခါနီးတော့ ကြည့်လိုက်ရင် အပြည့်တော့မကျနဘူး။ တစ်ချို့ပေါ့။ ဒီလိုပဲ။ လူတွေ ဒီဘ၀မှာတင်မပြီးဘူး။ ဆက်ရအုံးမယ်။ ဘာတွေကကိုယ်နဲ့ မလိုက်ဘဲကျန်ခဲ့ပြီး၊ ဘာတွေက အရိပ်လိုလိုက်လာကြမလဲ။ မြင်ရတာတွေ အကုန်ကျန်ခဲ့မယ်။ မမြင်ရတာတွေ အကုန်ပါလာမယ်။ မြင်ရတာတွေဆိုတာ ကိုယ့်မိသားစု၊ ဆွေမျိုး၊ အသိုင်းအ၀ိုင်း၊ တိုက်တာခြံမြေ၊ ရွှေငွေလုပ်ငန်း၊ ပိုင်ဆိုင်မှု၊ ဘွဲ့ထူး၊ ဂုဏ်ထူး စတဲ့အရာတွေ အားလုံး ကျန်ခဲ့မယ်။ ကောင်းခြင်းနဲ့ဆိုးခြင်း ဆိုတဲ့ မမြင်ရတဲ့အရာတွေ ပါသွားမယ်။ တစ်နည်းပြောရရင် ကုသိုလ်နဲ့အကုသိုလ်တွေပေါ့။ ဒီဘ၀ကနေ နောက်ဘ၀ကိုသွားတဲ့အခါ မကောင်းတာတွေတော့ ယူသွားချင်တဲ့သူ မရှိလောက်ပါဘူး။ နောက်ဘ၀မပြောပါနဲ့။ သူများအိမ်သွားလည်ရင်တောင် လက်ဆောင်ပေးစရာ ကောင်းတာမှန်တာလေးတွေပဲ ယူသွားချင်မှာပါလေ။ ဘယ်သူက ကိုယ့်အိမ်က မကောင်းတဲ့အညစ်အကြေးထုပ်ကြီး ယူသွားမလဲ။ ဟုတ်တယ်မဟုတ်လား။ ဒီတော့ လူတိုင်းက ကုသိုလ်ထုပ်ကြီးနဲ့ သွားချင်ကြမှာပါပဲလေ။ ဒါမှလည်း မျက်နှာပန်း လှတော့မပေါ့။

          ကိုင်း။ နိဂုံးချုပ်ကြစို့။ ဒီကနေ့ လူတွေရဲ့ပြဿနာက အဓိကကိုသာမညထားပြီး၊ သာမညကိုအဓိက လုပ်နေတာလို့ ပြောခဲ့ပြီ။ ဒီတော့ သာမညတွေ ဒီဘ၀မှာကျန်ခဲ့မယ်။ အဓိကတွေ ဟိုဘက်ပါသွားမယ်ဆိုတော့ မိတ်ဆွေလည်း စဉ်းစားပေါ့။ ကိုယ့်ရဲ့ပုံသဏ္ဍန်က ဘာကြီးပဲဖြစ်နေဖြစ်နေ အနှစ်သာရက ဒုက္ခနဲ့ကိလေသာဆိုတာ သိပြီလား။ လောကီရေးထက် လောကုတ္တရာရေးက အရေးကြီးတာမြင်ပြီလား။ ဒါန၊သီလ၊ဘာဝနာ အဓိကဆိုတာ တွေ့ပြီလား။ အဲ့ဒါ အခုပဲ စလုပ်ပြီလား။ လုပ်နိုင်ပြီလား။ လောကုတ္တရာဘဏ်မှာ ကုသိုလ်စာရင်းနဲ့အကုသိုလ်စာရင်း ဖွင့်ထားတယ်။ ဘယ်မှာ အစုများနေလဲ။ အဓိကနဲ့သာမညကွဲရဲ့လား။ အဓိကကို အခုစလုပ်နေပြီလား။ မစနိုင်သေးရင် ဘယ့်နှယ်လုပ်မလဲ။ စချင်ပါလျက် မစနိုင်သူတွေအတွက် ဘယ်လိုနည်းလမ်းရှာကြမလဲ။ ထောင်ထဲကလူတွေ၊ ပြည့်တန်ဆာတွေ၊ ဒုက္ခိတတွေ၊ လူမမယ်ကလေးငယ်တွေ၊ ရူးနေတဲ့လူတွေ၊ အူမမတောင့်လို့ သီလမစောင့်နိုင်တဲပသူတွေ၊ ယောက်ျားလျှာ၊ မိန်းမလျှာတွေ၊ ကျန်းမာရေးမကောင်းလို့ သေခါနီးဆဲဆဲလူတွေ ............